EKINTZAK BERTAN BEHERA

Covid 19 birusak sorturiko pandemiaren aurrean, eta honen zabalpena ekiditeko dauden neurriak jarraituz, kultur ekimenak bertan behera gelditzen dira momentuz. Egoera onera egin ahala, aurreikusitako ekimenak eta berriak jarriko dira martxan, bitartean zaindu eta etxean gelditu.

Agenda

Ezohiko egoerari aurre egiteko laguntzak

Ezohiko egoerari aurre egiteko laguntzak
Koronabirusaren eraginez, familia askoren egoera ekonomikoa aldatu egin da, eta laguntza premiak ugaritu egin dira. Halako egoeraren batean dauden herritarrei deia egiten diegu udaleko gizarte langilearekin harremanetan jartzera. Aurrez aurreko zitarik ematen ez badu ere, telefonoz jasoko ditu kontsulta eta eskaera guztiak, eta banan bana aztertuko dira egoerak. Edozein argibide eskatzeko, deitu udaletxera (943-88 11 70), 08:30etik 13:30era, edo idatzi alkatea@itsasondo.eus helbide elektronikora.

LIBURUAK ETXERA ZERBITZUA

Konfinamenduak irauten duen bitartean, "Liburuak etxera " zerbitzua martxan jarri dugu. 
Astero liburuak eskuratzeko aukera egongo da. Eskaerak, asteazkena arratsaldeko 8ak arte jasoko dira.Ostiral goizean etxeetara eramango zaizkizue liburuak. Segurtasun neurriak betez.Ez dira itzuli beharko, jakinarazpen berririkizan arte.Helduon katalogotik izenburu zehatzak eskatu daitezke,(eskaera orokorrak ere) haurren sailean eskaera orokorrak egingo dira. (Eskaera orokorra: Adb. nobela beltza gazteleraz, edo 6-8 urte bitarteko ipuin bat...
 

ODOL EMAILEAK

Gipuzkoako odol emaile sareak, egoera honetan ere hain beharrezkoa den odol bilketarekin jarraitzen du. Osteguna 16an, ohiko ordutegian egongo da odola emateko aukera,udaletxean. Beraiek, odol emaileak diren batzuei deituko dieten arren, norbaitek asmorik balu bertara deitu daiteke txanda hartzeko. 
30 lagun inguruk izango dute aukera odola emateko, segurtasun neurriak direla eta txandak 20 minuturo emango dira, 5 pertsonako batera gehienez hartuz. Telefono honetara deituta 943007888 txanda hartzea izango duzue. 
Animatu!

KONFINAMENDUKO KRONIKAK

Itsasondo 2.0 aldizkariko lan taldetik proposamen batekin gatoz. Apirila amaieran Itsasondo 2.0 45. alea aterako da (web eta whatsapetik zabalduko da printzipioz, aukera dagoenean paperean ateratzeko asmoz). Ale honetan KONFINAMENDUKO KRONIKAK jaso nahiko genituzke. Galdera labur batzuk prest ditugu, norbanako edo familiek beraien esperientzia kontatzeko... Parte hartzea animatzen zaretenak, idatzi telefono honetara edo idatzi itsasondo2.0@itsasondo.eus // apirilak 19 arte jasoko dira// Animatu!

Orriak