Murumendiko tontorra
Hamaiketakoa prestatu eta Murumendiko tontorrerantz abiatuko gara. Iturbe eta Iturburu baserrietara abiatuko gara. Hormigoizko pista jarraitu eta Malkorre ingurura iristean, garai bateko meategietako sarrerekin egingo dugu topo. Hemen, gorantz doan bidea hautatu eta basoan sartuko gara. Urkiara iritsi arte baso itxi honetatik mendian gora joango gara. Gure bidean Bekoetxeko erreka aurkituko dugu. Urkian indarrak hartu ondoren, ermitaren atzealdean dagoen bidea hartuko dugu, PR-GI54 jarraituz. Bidea Murumendiko tontorreraino ongi markatuta dagoenez, honi jarraitzea besterik ez dugu. Paula izeneko ingurutik mendi tontorraren bista ederra izango dugu. Iristen ari garela baina ibilbidearen azken txanpa falta zaigula ohartzen gara. Arrapaitz iturrian indarrak berritu eta… gora tontorreraino! Paisaia paregabea izango dugu aurrean: Aitzgorri, Izarraitz, Ernio, Aralar… Gozatu!
Iruzkinak
root
Al, 2013/04/15 - 10:12
Permalink
Itsasondo eta Urkia tarteko bidea zailduta
Itsasondo eta Urkia arteko bidean oztopo ugari topatuko duzue orain joaten bazarete (2013ko apirila); azken hilabeteotako euriteen ondorioz hainbat lubizi gertatu da bidea harrapatu duena, eta zuhaitz asko daude erori eta bidean gurutzatuta. Badira bi lubizi bereziki haundiak, zuhaitzak ere eraman dituztenak, pasabidea erabat itxiaz.