Albisteak

SAN JUAN SUA 2007

Ekainaren 23an, San Juan bezpera, Herriko plazan, ohiko San Juan Sua piztuko da. Bertan, suaren inguruan solasean gauden bitartean, sardina eta txorixoa dastatu eta sargado freskoa edateko aukera izango da. Itsasondoar guztiak gonbidatuta zaudete.

ODOL EMAILEAK APIRILAREN 2an, ASTELEHENA

Odol emaile zareten guztioi eta etorkizunean izatea gustatuko litzaizuen guztiei, Apirilaren 2an, astelehena, arratsaldeko 7etatik 9etara bitartean, Itsasondoko gimnasioan, Gipuzkoako Odol Emaileen Elkarteak odol emateak antolatu dituela jakinerazten nahi dizuegu. Bertaratuko zaretenoi aldez aurretik eskerrak ematearekin batera oraindik odol emaile ez zaretenori lehen urratsa ematera animatzen zaituztegu.

KORRIKA TXIKIA ETA KORRIKA

Martxoaren 23an, ostirala, arratsaldeko 5:30etan Korrika Txikia izango da. Aramako plazatik abiatu da eta Itsasondoko kaleetan zehar igaroko da KORRIKA txikia. KORRIKA Itsasondoko plazan amaituko da eta bertan jolasak eta merienda izango da.

Martxoaren 24ean, KORRIKA 15a Goierrira iritxiko da Iruñerako bidean. Goizeko 8:10etan iritxiko da Itsasondora eta lekukoari bere ibilbidean euskaltzale guztiak lagun egiteko deialdia zabaltzen dugu.

Orriak