Iraileko jaiak ate joka dauzkagu eta badira azken orduko zenbait kontu itxi behar direnak. Festa batzordetik azken bilera honetaran parte har dezazuen dei egiten dizuegu herritarroi, ea denon gustoko jaiak antolatzen ditugun. Bilera 18:00tan udaletxean izango da.
Iraileko larunbatetan, goizeko 10:00tan hasi eta Itsasondoko udaletxeko lehen solairuan emango dira ikastaroak. Izena ematea ezinbestekoa izango da / 652 745 673.
Abuztuak 14 eta 15ean ospatu ziren aurten ere Andra Mari jaiak Itsasondon. Abuztuak 14ean Bizi nahi jubilatu elkartean egin zen bazkariarekin eman zitzaien jaiei hasiera eta larunbatean, abuztuak 15, goizean mezarekin hasi eta ondoren hamaiketakoarekin jarraitu ostean, toka txapelketa izan zuten. Arratsaldean sagardo dastaketa eta toka txapelketako sari banaketarekin eman zioten amaiera jaieia. Toka txapelketan saridunak Manex, Josune eta Iker izan ziren. ZORIONAK hirukote!!
Aurten ere Arbelaitz elkartekoak antolatuta III. Garagardo Azoka izan dugu Itsasondon. Garagardo ezberdinak probatzeko aukera eta afaltzeko saltxitxa naiz ukondoa ere izan zen.
Uda aurreko azken bilera izan genuen joan den uztailaren 14an Ongizate lan taldeak. Orain arte bezala gai ezberdinak jorratu bagenituen ere tartean oporretatik bueltan izango ditugun iraileko jaien inguruko gaia genuen jorratzeko. 2014an bezala, jaietako larunbatean (irailak 19) egiten den bokata afariaren ardura Ongizate lan taldean hartu dugu eta biltzen den dirua "ITSASONDOKO HERRITARREN ONGIZATERAKO" izango da.